Saturday, August 19, 2006

Munir Niazi's Nazm

bichhaR gaye to phir bhii milenge ham donoN ek baar
yaa is bastii dunyaa meN yaa iskii hadoN se paar

lekin Gham hai to bas itna jab ham vahaaN milenge
ek duusre ko ham kaise tab pahchaan sakenge
yahii sochte apnii jagah par chup chup khaRe rahenge

isse pahle bhii ham donoN kahiiN zaruur mile the
yeh pahchaan ke naye shaguufe pahle kahaaN khile the

yaa is bastii dunyaa meN ya iskii hadoN se paar
bichhaR gaye haiN mil kar donoN pahle bhii ek baar

(Munir Niyazi)
For reading in Urdu script click on Urdu India